生于司法界世家的方以因（黄智雯饰），拜律政界红人欧阳一波（李国麟饰）为师，成绩出众，但学满师后却倒戈相向转做执业大律师，经常与师傅在庭上针锋相对。以因一直隐瞒自己有多重人格问题，次人格是狂野玩家菠萝椰奶（黄智雯饰），好勇斗狠、另一个则是愁擘擘（黄智雯饰），为人怕事悲观，愁眉苦脸，而得知此秘密的利东佳（袁伟豪饰）趁势要胁以因聘他为实习生，以因为保自己能顺利下嫁城中钻石王老五纪骁勇（陈智燊饰)，无奈答应，两人遂展开一段别开生面的经历，因为人格会突然转换，经常令以因在庭上丑态百出，闹出不少笑料；而惟一知道以因病源只有母亲方华绮思（黄淑仪饰），可惜，绮思对往事绝口不提，期间东佳更与椰奶和擘擘渐成好友，以因为除后患，决心令她们一同消失……

原文转自方以文（香港影评人）的FB，我觉得比较有意思的几个point：

①灵感更多是inspired by《头脑特工队》

②愁擘擘近视这个设定带有“逃避”含义

③编剧本人是阿森纳（阿仙奴）球迷

以下為正文：

《三个女人一个因》转入直路，收视冲破咗20点大关，放喺周日播仍然系气势如虹。我自己就好钟意喇，毕竟唔系咁多剧集会讲人性，人点样去面对自己。不过喺本身20集，最后因为要fit档期而删减到18集时，有冇咩重要地方系消失咗？剧集嘅原意又有冇偏差？今次搵到黎编审问吓，唔只系两句，佢答得好用心，大家要睇晒佢。

_______________

问：《三个女人一个因》写人格分裂呢个idea最初系点嚟呢？

答：嗰阵时公司鼓励编审自己交桥，咁我就上网搵嘢brainstorm吓，去咗一个网站，系「 香港解离症关注协会 Hong Kong Association Concerning Dissociative Disorders 」。睇到负责人话睇完《Inside Out》之后，觉得呢种系表面系开心、底里系唔开心，又唔系大起大落，系一啲身边发生嘅情绪故事。我觉得佢讲得好啱，《Inside Out》我自己都好钟意。我有睇韩剧。但与其话有韩剧（按：应该系讲紧《Kill Me Heal Me》）嘅影子，其实系《Inside Out》嘅影子仲重，因为真系想摆个感觉落套剧度。

_______________

问：点解会有方以因、Pina同愁擘擘三个人格呢？

答：人格唔系真系可以任度，因为多重人格经常出现既人格系可以归纳几类型，「保护者」同「细路仔」人格都几典型（按：Pina系保护者，愁擘擘系细路仔）。另外，愁有近视，睇唔清楚、睇唔到野，系逃避嘅一种。呢啲信息，系希望大家延伸阅读，而唔想好似ETV咁讲出嚟。

_______________

问： 方以因要接受三个人格都系自己。其实另外两个男主角，利东佳同纪骁勇都系喺个剧里面慢慢接受自己：利东佳要接受自己原来唔系太适合做大状先至可以尽力去做好啲case。Thoe要接受自己乜都惊然后先唔惊。「接受自己」系咪就系呢个故事嘅主旨？点解会有呢个主旨？

答：系啱嘅，每个人都有开心唔开心嘅时候，而好多时系选择收埋。套剧本身都系启发自《Inside Out》，系话本身一啲唔开心嘅嘢、你认为嘅缺点，其实系唔应该收埋。当你接受到啲嘢系自己一部分，你就会更加爱自己。呢个系套剧其中一个主题。最初设计嘅时候唔系想写一啲死人冧楼嘅嘢，而系好似《Inside Out》咁，好似系输波唔开心呀咁，原来最尾都系会发大。我想讲要接受呢方面嘅自己。

_______________

问：你自己同埋编剧团队甚至系演员方面，有冇个人嘅经历放咗入去剧本度？

答：我哋一直都想捉紧方以因呢个角色：三十几岁，平时对徒弟好恶，但面对佢妈咪佢系好惊。我哋系参考咗其中一位同事，佢exactly就系好怕去面对佢阿妈。遇到伤风感冒，佢阿妈系会话佢几十岁人都唔识得照顾自己。我哋就将佢对阿妈呢种感觉放咗入去。

另外，我相信唔少观众都好关注剧入面球迷嘅部分。我本身系球迷，支持阿仙奴。阿仙奴有套电影叫做《Fever Pitch》，系讲阿仙奴点样影响佢哋球迷嘅人生，系讲一种唔愿意长大、逃避。本身加球迷成分系想搞吓笑嘅，但我本身球迷呢个身分都好多人知，加上我哋系喜剧，点都会有啲戏谑嘅成分，避免尴尬，所以就拣咗利物浦。呢度亦都好多谢香港利物浦官方球迷会嘅帮忙，向英国嗰边申请使用官方纪念品。

另外，赵永洪 Raymond Chiu嗰角色（卓差利）个原型系嚟自《无限挑战》里面嘅郑亨敦，佢本身系睇落系好开心嘅人，而佢原来系有抑郁症要停咗两年唔做嘢。我想捉嗰种感觉，但写得唔够深入。

_______________

问：写人格分裂又写埋其他心理情况，好似系惊恐、被害妄想。喺搜集资料方面难唔难呢？要将呢啲数据清楚又唔闷咁向观众交代，你又点拿捏？

答：本身个剧research方面都系来自「香港解离症关注协会」，我哋约咗负责人出嚟倾。咁有一样嘢系几特别嘅，原来解离性人格障碍，唔只系多重人格嘅。例如系一个人佢个脑海一片空白，都系一种解离症嘅现象，系一种逃避症状。协会负责人都有提到《Kill Me Heal Me》有咩啱有咩错，我哋尽量想啱啲，所以个治疗过程都系step by step咁去，但就学你话斋，就唔系净系想讲治疗，唯有尽量唔系为交代而交代，就算交代都有剧情或者戏剧位跟紧，例如第一集喺庭上讲多重人格定义，又或者用小豆intercut阿Kai嘅方法讲治疗阶段。另外，我哋都有访问心理学家，又有睇大量心理书籍去做资料搜集。

_______________

问：有报道提到，你同埋监制潘嘉德都第一时间觉得黄智雯做方以因系最合适。点解会有呢个感觉呢？黄智雯同方以因有咩相似？有冇啲剧情系专登为咗Mandy可以发挥去写呀？另外，有冇边位演员你都觉得好fit个角色呢？

答：原本个题材唔系因为黄智雯 Mandy Wong Official而立嘅，但我同德哥都觉得要演多重人格，个演员系好重要。做唔做到，会点做都系考虑，要搵一个对佢演技有信心，最基本啲戏我哋唔使担心。本身德哥用过智雯好多次，智雯系有talent嗰种演员，我哋相信智雯系可以做到。决定咗之后，就开始有啲度身订做嘅嘢，最后我睇返主角系半度身订造。

其他角色就唔系度身订造嘅。我哋有Gigi姐嗰条线，所以想度两个case系有关跳舞（按：Gigi姐个角色系风光一时嘅dancer）。我哋知有两个男仔识得跳舞，一个系袁镇业，另一个系陈俊坚。德哥就觉得袁镇业 KelvinYuen做principal dancer适合啲，阿坚就适合啲做狂迷。都想畀心机去写啲side cast角色，但袁镇业嗰角色就冇乜篇幅。阿坚个角色有回响系好开心。尤其是我哋嗰时谂点样去写个狂迷，啲观众先会唔惊，而系会同情佢，当时嘅谂法系要搵个外型同演绎上会令人同情佢嘅演员。

_______________

问：20集删到18集，有冇啲咩重要剧情系唔见咗？

答：公司嘅安排就系有9个星期嘅档期，咁我哋就做成18集。本身剪接唔系一定系坏事嚟，当个剧要放喺星期日时，个hooker就有啲唔啱。本身我哋系用五集一个段落嘅思维去度，通常比较重要嘅剧情系放喺星期五。周播两集的话，剪接要郁返啲hooker，去勾住观众。但系因为我哋度嘅时候系20集，加上本身都有啲over。喺呢个情况之下20集剪成18集都真系唔知点做。今次负责剪出街版本嘅同事，就系剪播之前三分钟预告嗰位剪辑同事，佢本身都钟意出剧，亦系二十集版本嘅第一批观众。但当真系要剪走两集（其实系57分钟），我觉得佢嘅取舍系无可奈何只可以咁做。因为佢要帮我哋搵返啲 hooker出嚟，勾人睇下个礼拜。由20次播放剪到9次播放，啲hooker唔同晒，呢样亦系你哋有时会觉得点解呢场唔剪落去，嗰场做乜要剪走嘅原因。你问我点剪，我都唯有系好似依家咁剪，剪走啲side character案件。

你见我哋放返上网嘅剪走咗嘅部分，大多系笑料。我觉得剪咗而又重要嘅剧情，系有几场。其中一场，（按：利东佳第一次上场打官私，方以因发现有漏洞）本身方以因唔知好不好泼利东佳冷水嘅时候，系写咗封信畀愁擘擘。愁擘擘系有睇到但冇回到信就咁放喺度。原因系愁擘擘感受到佢唔喺度时，方以因同埋利东佳喺关系上嘅进展，佢就有种自卑感，有一种我系假嘅、虚拟嘅感觉。（按：嗰场戏出街时我仲谂点解悉愁擘擘唔肯出嚟）

另外有场戏，系关于Gigi姐系剪咗。本身系想讲点解一个阿妈会咁对个囡，系想捉产后抑郁嘅感觉。因为其他妈妈系有天生嘅母爱，其他人就会好自然咁爱佢嘅子女，但点解我冇呢？我生完佢出嚟，系觉得疏离、陌生人。剪走咗Gigi姐嗰场戏，系佢讲完谂过堕胎，Evie走左，奶奶走埋，跟住佢同钟仔对戏。其实都唔系写得好好，但想补充佢对个女嘅心态，系参考咗产后抑郁人士嘅感受。不过无记错的话，即使20集版本都系无嘅。

有场方以因小朋友时代嘅戏剪走咗。佢由细到大喺受到佢阿妈精神上嘅虐待，其中一次，佢赫然发现佢嘅人生价值观系畀佢妈妈影响咗。细个佢嘅测验成绩一直都好好，阿妈要求佢要攞一百分。有次测验佢交卷嘅时候，发现咗卷嘅第二页原来仲有一题，死喇咁点算？佢为咗攞一百分，趁帮老师拎测验卷落教员室时，静静鸡填番个答案落去，呼应返大个咗嘅方以因为胜利而不择手段。呢场戏可能可有可无，系想表达好多心理病系由童年阴影造成。家长好简单一句，可能会影响小朋友成世嘅。（按：我觉得好重要呀，一直都谂唔明点解方以因会容许利东佳有打输官私嘅机会，因为佢一直都话要赢，唔可以对不起老豆方正嘅招牌。如果呢戏放返喺利东佳第一次打官私前，就合理晒）

有个演员我觉得系对佢唔住，就系Daniel Chau 周志康。佢个角色成日run，系因为佢有条桥喺入面，亦都影响咗方以因去接受治疗，但系就冇咗嗰场戏。周志康分别饰演孖生兄弟，两个都系做警察，其中一个后来做咗卧底，佢哋双胞胎有时会交换身份，因为佢哋想经历唔同嘅人生，做军装又做CID时，做警察又做古惑仔。不过无记错的话，20集版本都cut咗。（按：呢个又系好想睇喎…）

_______________

问：刚公布嘅收视，3月尾嗰集冲破咗20点大关，对于周六日档嚟讲系好好嘅成绩。你有冇预计过咁好反应呢？有咩想同观众讲？

答：好开心呀，都要多谢各方面嘅努力。本身我都系一个相对新嘅编审，都好担心个剧本唔够好，嘥咗大家嘅心机。呢个剧本唔系完美，大家都可以捉到好多缺撼。但里面想观众谂吓：人系咪真系要接受自己呢？我希望大家喺睇嘅过程当中，喺笑之余，系觉得温暖嘅。

本站提供的《三个女人一个「因」》在线观看地址以及《三个女人一个「因」》下载地址来源于互联网。本站并不参与录制和制作，仅提供资源引用和分享，如果本站提供《三个女人一个「因」》资源对贵方造成了损失或侵犯了贵方权益，请及时发送邮箱给管理员，我们将在48小时之内撤销有关《三个女人一个「因」》所有内容。